心結

今日，我鼓氣勇氣，將屈係心入面既野，講晒俾 "黃惠芳" 知道，

我想佢明白，點解我要放棄 "黃錦洪"。

上到去佢屋企，我就入去惠芳間房 (佢仍然非常鍾意日光日白訓係張床度睇電視)，

我第一句開場白就係問：乜黃錦洪每個月都無俾錢你湊仔既咩？？

惠芳就回答：哼！好出奇咩，你個仔呢兩年啊，要我三姐妹俾錢湊大佢架。

嘩！我當時諗，由大女出世，至到細仔出世，佢兩個既生活費、奶粉、尿片、

同埋姓黃一家人老屈我既錢，都係我一個人出晒架，咁我咪威過威士忌，哈哈！

養一個小朋友都養唔掂，仲要三姐妹齊齊出錢都唔掂，仲要搞到亞仔無書讀添，

唉......你地去死把啦！！

我將由識大洪，到同居發生既痛苦經歷，講晒俾惠芳知道，然後再講埋當初

我同惠芳開既聯名戶口，佢自把自為偷左我無數咁多次錢，惠芳都記得，

佢既回應係：見你唔出聲，我咪唔還錢囉。嘩！我幾時都話，做好人，無好報。

我想惠芳知道佢細路黃錦洪做左幾多衰野出黎，而唔係佢地口中，咁慘！

亦想惠芳知道，佢自己做左幾多賤格野出黎，咪再成日扮偉人，見到都嘔。

不過我都覺得地球人，個個都係咁，每當知道自己傷害左人，

絕對唔識講 "對唔住"，更加唔識點樣去補賞返俾人，

祇會講或者心諗：咁點，係我錯啊，點啊！吹啊！

果然係.........殺人放火金腰帶，修橋補路無屍駭