網誌分類：真正既貓仔 |
我屋企排行最細 ( 五兄弟姊妹 )，但絕對唔會得到屋企人愛錫，反而，屋企上上下下有咩事，都要我幫佢地解決，真搞笑！
由十二歲開始知道自己有病 ( 成日屙血尿 )，屋企人都無關心我，每次入院、出院，都係一個人，慣晒！
成日都希望，街外人會對自己好，所以永遠做主動，同人傾計，講笑，幫人解決事情等等，但當發覺自己有問題，朋友就會遠離你，果然係酒肉朋友。
或者條命生得差掛，有個朋友同我講，如果連你父母都唔愛你，你唔洗旨意呢個世界上有人會全心全意愛你。
我覺得呢個朋友好賤，簡直係咒語一樣，但我唔信邪，仍對身邊人好，但原來真係無好報。
屋企人：由亞爸、亞媽、三個家姐、一個亞哥，除二家姐外，我每個人都有俾過錢佢地。其他麻煩事，亦都要我幫佢地解決，當時我諗，唔緊要啦，一家人嘛，唔需要計較啦，點知，原來佢地根本無當過你係一家人，有錢食飯唔叫你，無錢就互數不是，然後問我錢還債。
朋友：出黎飲茶食飯我俾錢，落 D 唱 K 我俾錢，行街買衫幫手，黑仔。
愛情：追你個陣乜都得，拍拖後又無好好珍惜，一句 Sorry 大過天，分手後又番黎同我講有幾咁掛住我想復合，男人要個陣，就話好愛你，會保護你，當有事發生，閃得就閃，避得就避。
原來男人留係你身邊得一個原因......佢愛你
唔留係你身邊竟然會有萬九個理由.........出奇？？
亞俊，我有幾愛你，連盲都睇到，但你呢？
又要我見你屋企人，又唔講清楚我身份，我俾人白眼，俾人單打，又唔幫口，又唔幫手，仲要我忍！
你口講既愛，究竟係乜野一回事？
你受到傷害，我就努力保護你，但點解識你呢兩年，我受到無數傷害，你除左黑面、喊，仲可以點做？
我都好想做番自己，好似以前咁，有人對我唔好，我就鬧佢，蝦我仔女，我就打佢。
但因為我慣左顧及人地感受，永遠受到傷害，當流血不止想反抗，人地就會鬧我，點解唔忍讓下呢？咁我忍左個，你幫我硬食啊？
