Day 1...機場客運站

22.09.2007

第一次搭早機去歐洲...0530就去到機場check-in...一心諗住上到機就大覺訓...點知其他乘客不知幾精神...唔係行黎行去就郁黎郁去...搞到我無覺好訓...唯有不停食零食又食杯面...仲睇咗paris je 'taime同ocean's thirteen...時間過得好慢呀!...好懷念之前搭夜機大家一上機就訓覺嘅日子

去到倫敦等咗4個鐘頭...然後轉機去慕尼克...相比上年去有布拉格等成9個鐘頭...今次就濕濕碎啦!...不過heathrow嘅海關檢查嚴謹咗好多...過x-ray時連外套同鞋都要除埋...好彩我著人字拖...所以非常方便

今次我好忍得手...係harrods齋睇無買嘢...近排d英磅咁貴...點買得落手呀!...一心諗住買william嘅postcard...點知一張都搵唔到...完全難以置信呀!

去到慕尼克已經夜晚9點幾...第一站去咗買火車證...起初售票姐姐話我個passport唔可以買twin pass...要俾多約60歐元買正價票...最後要出動埋香港身份證先可以用中國居民身份買到...之後我哋就上演the terminal真人版...由於啤酒節關係...慕尼克嘅住宿好貴...我哋第二朝一早又搭火車去奧地利...所以我哋決定係機場過夜...首先我哋去咗shower room沖涼洗頭...嗰度設備完善又乾淨...連風筒都有...仲有沐浴用品販賣機...開頭仲諗住要第二晚去到hostel先有得沖涼...之後我哋便周圍搵適合嘅地方訓覺...最後我哋決定係check-in counter附近露宿...全晚我都好盡忠職「手」...我隻手完全無離開過個喼...4點幾俾樓下餐廳開舖嘈醒咗...見到附近d長椅多咗3位鄰居...返回shower room梳洗完畢後...我哋便搭頭班s-bahn出市區轉火車去salzburg