兒時的心願

今個星期又是購買周，今次買了一個好大好大的東西放在家，一部大鋼琴，我的表姐姨媽一直反對，老公又話貴，但眼見阿仔學了兩年都沒有起色，而老師亦大力游說我為了仔仔真係需要一部放在家，所以如我一向作風，想做的就不理他人講，私自攪店。雖然是個二手琴，但今日我一返到屋企，見到個琴就好開心，我個仔都冇我咁開心，即刻就去彈吓。小肥講得不錯，大部份我想買的嘢我都會以阿仔作藉口，其實自己是最想要的一個。

擁有一個鋼琴是小時的心願，其實由細到大我都好想學琴，但小時家境差，所以不能支付學琴，大時自己有能力又給人說我的手指短，點都彈不到琴，所以將我的寄望放在仔仔處。最近這兩個月有時間陪仔仔學琴，我又在旁偷師，我都可以彈到我的第一首twinkle twinkle little star, 十分有成功感。希望我都不是三分鐘熱度，我希望可以與阿仔一同學習。