潼潼對白（2）

潼潼就快三歲半啦，已經學識好多嘢，仍然有好多可愛架問題問我地幾個大人。

有一日平日朝早，舅父忙住刷牙洗面換衫返工時，
潼潼走過嚟問：舅父你係度做咩呀？
舅父心想你唔好阻住我啦，我趕時間返工呀。
但仍要答：舅父係度刷牙呀潼潼。
潼潼聽到後就話：咁你要刷乾淨d呀，唔係就會有蟲架！
舅父即時反應係噴咗d 牙膏出嚟......

又有一日，當舅父正準備出門口返工時，
婆婆問舅父：今晚返唔返嚟食飯呀？
舅父答道：今晚我返學唔返嚟食啦！
潼潼聽到後就加把口話：舅父唔返嚟食呀？返學呀？
舅父：係呀今晚要十點幾十一點先返啦！
潼潼就再問：咁你間學校係邊架？你間幼稚園叫咩名呀？
公公婆婆同舅父聽後都大笑，舅父就答：舅父架學校唔係幼稚園，係大學呢架。
潼潼就再問：大學？咩嚟架？係咪叫大學幼稚園呀？
舅父好無奈地：@#$%^&*