我們在彭福同陽光玩死亡遊戲

星期六, 本來Lolo要留係屋企努力整蛋糕架。不過又唔忍心小白又悶係屋企, 所以最後都冒住會中暑嘅危險, 決定帶我同d朋友仔去彭福玩一轉啦!

不過臨出門口, Lolo又有d後悔喇, 因為實在太熱喇!!! 睇下小白都熱到伸晒脷呀!!

會合咗double之後, 我哋不停去搞個有風又有樹蔭嘅地方, 好在, 大草地個度有個位好大風下架!

小白就不停走來走去, 開心到不得了呀!!

依... 小白你做咩呀? 做咩唔見咗半個身架?

你唔通係度食草?

喂喂... 你又做咩成個頭塞晒入草度呀?

哦... 原來係度咬緊心愛的波波!

玩咗一陣, d朋友仔到齊喇... 我哋玩下又休息下, 好快就有實Q叔叔通知夠鐘要走狗喇!

我哋唯有快手快腳影張大合照先啦!

一聽見"叱吒"一聲, 知道影咗即走狗呀!

行行下, 又發現一度有d靚花花同菇菇, 咁緊係要再來一次合照啦...

Lolo話嚟咗彭福咁多次, 都未同d馬馬影過相, 所以作為一位專業嘅dog模, 我緊係立即坐好擺post啦!

快d走喇... 一個人一隻狗狗都無喇!

最後係門口同d白色花花影多兩張相之後, 我同Lolo就返屋企喇!!

不過係我入番袋, 係lieft口準備搭lift上屋企時, Lolo發現我好似熱得濟, 於是佢就將個袋打開多少少, 等得個咀仔可以伸出嚟透下氣。但係當我入咗lift, Lolo見我完全唔郁, 仲將成隻狗入晒袋, 叫都唔應(平時一叫我就伸晒成個頭出袋)。Lolo嚇死呀, 一出lift即衝入屋, 放低我打開袋睇下我有無事!

車... 佢一開袋我就走出嚟, 仲走去飲水水添啦, 真係大驚小怪呀!!

Lolo註 : 咁熱嘅天氣, 同小白入袋出街, 真係一步一驚心呀...