化療．１．

六月一日星期五，是日放假一天，一早帶Coco 去医院拆线同開始第一次化療，出門口前帮Coco 影咗張相，相中嘅佢好似有Ｄ緊張喎！　
　

医院係downtown ，行highway 都要成４０分鐘先至到。　

到医院未够十点，我一直抱住Coco，登記咗之後就有technician 想抱Coco 入去，但Coco好唔想留低係医院到，係移交過程中Coco用力撐開個technician，跟住重啡到我周身料，全身湿晒。医生预計lunch time 左右會call我地接返Coco，于是我地就留咗係附近行吓同等医生call。

“Coco，我地唔係唔要你呀，医生同你拆咗线你就會舒服好多，做化療都係唔想你再生瘤，再生嘅話你未必可以再做手術架啦！我地都好鍚你架！”

离開医院，我地先去唐人街食Ｄ早餐，因为係閒日又係朝早，可以揾到meter位，唔驶入parking lot，重可以係行去食野嘅途中睇吓條唐人街变成点嘅样。

我地去咗係Dundas & Spadina嘅金石食早餐special，米粉，多士，火腿，煎蛋加飲品都係$4.29，好底！但味道就一般。




食完就揸咗架車去市中心嘅大型Shopping Mall～Eaton Center，纇似又一城，但面積大三，四倍，頭尾連接住Dundas 同Queen两個地鐡站，有H&M， Gap， Hollister， Ambercombie， Body Shop， Banana Republic，American Egales等名店，可以行成日。

因为行嚟行去医院都未有电話嚟，就係附近嘅Salad King食lunch。

今日冇叫咖喱，叫咗個Thai Noodle，呢度每样食物都可以選唔同嘅辣度。


重叫咗Hot Thai Noodle，味道麻麻地，下次都係叫返咖喱。


之後去咗係Yonge & Bloor 嘅名店區再邊行邊等，一直到两点幾医院先至call 我地，于是第一時間去医院，医生話Coco嘅傷口埋得好好，應該冇大問题，化療完會有Ｄ攰，三星期之後先至做第二次，真係好啦，可以俾Coco回吓氣！

呢個係上次手術吊盐水做成嘅傷口，重未好返晒。每次见到佢辛苦同痛痛，我都有諗過放弃，但见到佢病嘅時候佢又一样係咁辛苦，而家有得医就一定要去試。


Coco返到屋企好攰攰，冇乜胃口，但飲好多水，之後嘔咗幾次水，但佢好tough，嘔完再飲，飲完又再嘔，好努力好抵鍚。之後我就抱佢入房揽住佢教教豬！





Coco我地一定可以打贏呢場仗嘅！你要加油呀！