化療。4。

星期四8月16日係 Coco 第四次化療嘅日子，呢排因為樂樂同柏柏嚟咗，Coco少咗去街街多咗係屋企教教豬 ，又肯食野咗，睇落係肥咗D，见佢咁好精神，出門口前影返D靓相先。


Coco 好鍾意呢個去街袋，同佢講話去街街佢就会自己跳入袋到，好精伶。


最近買咗條頸帶比Coco ，佢帶咗好靓女，不過Coco 就十分唔鍾意。因为由细到大Coco 都唔用狗帶，平時帶咗狗帶就唔肯行，要死扯先行两三步，跟住行唔够两三步就会叫人抱返佢，不過放佢跑步Coco 就好乖乖嘅，一路跑一路望住我地，跑幾步就会返轉頭揾我地，只要拍吓手，佢就会好快跑返嚟身邊，有 D 聲控 FEEL 架！所以咁多年都冇用狗帶。


我：Coco，我地 预备好就GO GO 啦！唔係就 LATE 架啦！


一路上，Coco 都係睇吓街街吠吓人。


大约两点鐘接返Coco ，佢又餓又恶死，好彩我帶晒野比佢食，Coco 就一路食野一路塞車返屋企。

今次化療用嘅药同第二，三次嘅唔同，但就同第一次嘅一样，係第一次化療後Coco 嘅白血球跌到好低，今次就用少咗三份二嘅份量，希望Coco 可以顶得住。

呢两日（SAT ，SUN）Coco 嘅胃口就差咗D，冇之前咁活潑，但就一样咁为食，今早（SUN）重嘔咗D白泡，我地今日会成日陪住呢隻毛毛頭，好好睇住佢。