化療。5。

9月14日星期五係 Coco 第五次化療嘅日子，同往日一样，八点幾餵咗佢食野，九点幾就出門口去医院。今日天气好，Coco 心情又好，全程車一路都企係度睇街街，個样好鬼開心吓。但次次就嚟到医院佢就開始咦咦哦哦，去到医院D姐姐抱佢入去嘅時候就一定会赖薯薯嚟抵抗，真係醜死狗！

整個化療嘅療程共用咗两種唔同嘅药，每次間住嚟用，用药嘅份量亦次次不同。今次打入Coco 体内嘅药份係第三次用药量嘅两倍，同第一次化療後要留院嘅份量相近。但呢次化療後雖然用多咗药，但对Coco 似乎未见有太大嘅副作用，希望 Coco 而家身体好咗，可以承受到D药啦！

每次化療後Coco 身上都会多咗两個傷口係佢两隻牙签手同脚仔到，一個係blood test，另 一個係IV injection ，都好傷架，次次见到都好心痛。


每次做完化療 Coco 都好肚餓同好疲倦，好似以往一样，Coco 邊回程邊食野，返到屋企就好眼訓，要教教豬啦。


好啦好啦，小朋友你訓訓啦，呢幾個星期我会好小心睇住你架，你自己都要0力0力地呀，重有一次就完成晒個療程啦。


當Coco 係医院嘅時候，我地就去咗Cora's 到食早餐。


咖啡有Free refill。


Cream & sugar，jam， ketchup样样齐。


Home-made brown toasts，好soft 好simple嘅味道。


Construction Plate，份量大到嚇親。


Omelette with spanish & chedar cheese ，個皮好 soft，加埋D芝士就咸得剛剛好。食得好飽飽，直落到夜晚先再食得落野。


晚飯前就去咗Ikea 行咗個圈，行到Pet Furniture Section，见到有張好靓靓嘅狗狗 sofa，好鬼型仔，想紧好唔好買俾Coco做礼物~~~~唔知佢肯唔肯坐呢？