化療。6。

Coco 係剛過去嘅Friday，到医院完成咗最後一次嘅化療注射 ，呢两個星期係最後觀察期，希望D 药唔会令Coco嘅白血球過低，崖埋呢两個星期就真係可以鬆一口氣喇。

星期五天朗氣清，但天氣開始凍，早上只有六度，全日最高都係得十二度，都幾凍冰冰吓。


短毛嘅Coco 就要着返件厚 jacket 先可以出門口，唔好凍親。


又係指定動作，Coco一路坐車一路睇街一路吠D路人，冇佢符。因為 Don Valley Parkway有交通意外，好塞車，搞到遲咗成半個鐘成十点半先至到医院。


未够一点就可以接返Coco喇，接Coco嘅時候，助手姐姐抱住Coco出嚟交俾我地，D姐姐重帮佢帶咗條 Halloween 领巾，個样好鬼可愛，而 Dr  Maison 就攞住Coco成寸厚嘅病歷，同埋一張恭喜 Coco完成療程嘅証書俾我地，上面有医生同各医护人员嘅签名同祝福，好 warm。我地都非常感激佢地對Coco嘅耐性同愛心，救返Coco條命。

医生話如果Coco冇唔舒服，只需在半年後返医院做 ultrasound就得喇。YES！真係一天都光晒！。

呢個Coco珠離開咗医院之後，係架車到笑得幾開心（其实係想飲水至真）！


Lobster：Coco ，你條 Halloween 领巾好靓靓呀！借俾我得唔得？
Coco：唔。。。係D姐姐送俾我，我好鐘意架，都唔0岩你嘅 size，等我 lum lum 先吖。。。
Lobster：真孤寒。


Coco：我有D肚餓，唔知有冇野食呢？
Lobster：當然有啦。之後就一路塞車一落食野喇。


食飽飽之後，又開始两頭望重有D唔耐烦添。。。


Coco ：嘩！好塞車呀！睇怕都有排先返到屋企，都係訓返一陣先，到咗叫醒我吖唔該！

後記：
星期五晚，Coco 胃口麻麻，但都好乖乖自己食晒D雞肉同红蘿白。

星期六 ，Coco今日停服靈芝。化療之後幾日，胃口通常都会变得奇怪，平日鍾意 嘅食物同零食都唔肯食，今次就連違禁品叉烧都唔食。全日只肯食西瓜，萍果，雪梨等帶甜味嘅食物。仍然吠得大大声，但就唔係咁活潑。

星期日，仍然唔食雞肉同红蘿白，偏愛澱粉食物，今日就食咗小量通心粉，豆苗，番薯同萍果，晚餐我就用武力餵咗AD俾佢食，吠得大大声但就唔多想 move，我 feel到Coco嘅体温比平日低，呢幾日都着住冷衫同用披包住，免得佢又冷親。

Coco你要叻叻地，過埋呢関就冇事架喇！