Coco的渥汰華之旅~DAY 1

第一次同Coco一齐去旅行，三日两夜嘅加拿大首都~渥汰華Ottawa之旅。

Day 1 ~星期五~七月十八号。

呢次旅程嘅领航~GPS，有咗佢就唔驶帶地图。我地早上十一点出車，停咗两次Service Center食D野、方便吓、俾Coco施吓肥，下午三点幾到渥汰華。



Coco當日非常興奋，頭個半鐘係架車内两頭跳，又唔肯自己坐，全程都揾我大髀嚟做人肉梳化，狗地真識嘆！又食又玩又吠，成程車瞓咗都唔够一個鐘。



途中见到有人搬紧屋~



真係成間屋搬走喎！我同Coco都睇到眼定定。



無風無浪，下午三点幾就到達渥汰華喇，先去Rideau Street 嘅Novotel Check In。Novotel Ottawa 欢迎住客帶埋狗狗入住，重不另收费，又有免费Internet，星期日重可以下午五点先Check Out，Online Book 一個Junior Suite三日两夜包税只係350加纸，幾抵架！



我地本来住三楼，但要求住高D，就搬咗去八楼。



對面白色Building係University of Ottawa。



右面就係商業區。



雖然唔係五星酒店，但D房唔差，乾净又Modern，個厠所地下係用木地板，非常特别。



D日用品包装好似試管，不平凡！



水吧设备齐全，我地就係靠後面個咖啡壶，煲熱水整熱D鸡肉俾Coco食。



因係Junior Suite，所以有一房一廳，重有張書枱添。



Coco你同張梳化好儭色，影返張相先啦！



沙玻璃門後就係睡房。



係King Size床，重好Soft。





Unpack咗D行理，就拿拿林整返個竇俾Coco先，希望可以减低狗地對新环境嘅不安感啦。



跟住就煲水整熱D野俾Coco食，因为Coco冇晶片，所以大部份時間都帶住颈帶同狗牌，萬一走失咗都有机揾得番吖嘛。



因为坐完長途車，大家都有D疲，天氣麻麻落大雨，所以冇四圍行，夜晚帶埋Coco揸車去Kanata食Pizza做晚餐就算。呢位小姐，係房内面一步都跟到實，對眼望到實一實，個样好冇安全感。

Coco你放心，我地帶得狗地嚟玩，就一定唔会放低狗地係酒店，去邊都一定会帶住狗地嘅！