Coco的渥汰華之旅~DAY 2

Day 2 ~星期六~七月十九号。

经過咗第一日嘅旅程，Coco個樣俾平日攰，成晚瞓係同一個位都冇郁過，瞓到好霖，日頭晒到Pat Pat 都唔起身！



叫佢，Coco就只係望吓就算，呢個角度，Coco似一隻貓女。



酒店個Bar Fridge唔够凍，只可以雪吓Pop，但我地個Floor就有個制冰机，24小時免费提供冰，我地帶咗两個手提冰箱冰住Coco嘅食物，只要一日换两次冰，D食物就唔会变壊，食之前就用咖啡壶煲熱D水再浸熱D鸡肉，咁樣就解决咗Coco要食Homemade Food嘅問题。



等我冰枝水飲吓先~



Coco小姐食飽，就到我地去揾食，揸車去咗Somerset & Bronson嘅China Town，呢度好细，講真嗰句，同我十幾年前嚟冇乜分别！



買咗D包包去咗Rideau River到野餐。


Coco到此一遊，有相为証。呢條河冬天结咗冰，係有名嘅溜冰地点。



食完野就返酒店放低架車，途经呢個Building，好老式，條楼梯好長呀~~~



行5分鐘就到Parliament Hill 国会山莊参觀，呢度係Federal Government開会嘅地方。



Coco係度影過相，同施過肥，事後我有Clean Up 架！



歐洲風格嘅古老建筑物。



左面係图書舘，個顶係火烧後重建嘅。



有個女皇銅像。



風境好靓，可以望到好遠同见到Casino。



又熱又晒，要同Coco返酒店Break一Break，睇狗地瞓得幾爽。



Lobster : 狗地瞓醒咗喇？
Coco : 係呀！狗地够能量再出動~



Coco：唔齐人喎，等狗地点吓数先~



Coco：狗地笑得靓唔靓？唔該影返張相吖。



再出動就行咗去By Ward Market，呢度係遊客區、街市、食店、酒吧區。



今日有蓝天白雲。



呢間餐廳好有趣，成個Building都係斜嘅，唔係錯觉嚟架！



地方好乾净~



Beaver Tails~特色小食之一，其實係炸面粉加D朱古力酱~



有各式新鲜蔬菜、水果出售~



重有花賣~



好多呢类型嘅露天食店~



我地揀咗入Sushi Go食晚餐，可以堂食或外賣~



Sushi Go冇話唔俾狗入，我地就買两合Sushi 坐低慢慢食，Coco第一次同我地食Sushi，咁難得，就梗係要影返張相做個Record啦！



食完就行咗去Sparks Street，嗰度有好多露天茶座，Coco一路上都做個好公民，为D草地施肥同洒下水，未够九点我地就坐係Parliament Hill到等九点半嘅Sound and Light Show，同Coco邊玩邊等~



Coco等到唔耐烦，周身郁，我地就俾狗地空中游吓狗仔式，解吓悶~



D影像就係打係国会山莊嘅外墙上面，講吓加拿大嘅歷史，近年嘅有名加拿大歌手、Artists等，十年睇一次都可以，再睇就一定悶到瞓着。

Coco全程都係個袋內面瞓教，好鬼乖，睇到十点零鐘，就係時候行返酒店洗白白。