Coco的渥汰華之旅~DAY 3

Day 3 ~星期日~七月二十号。

Lobster：Coco 呢两日狗地玩得開唔開心呀？我地今日晏D就Check Out返歸喇。
Coco：狗地呢两日好食好住，又日日有街去，梗係開心啦！咁而家我地又去邉度呢？
Lobster：去食野吖！
Coco：狗地冇份食，去坐吓都好嘅，GO、GO、GO！



今日又係行去By Ward Market食早餐。



星期日嘅朝早，大部份人都表现得轻鬆D，嘆吓咖啡倾吓計，唔会有人趕你走。



呢份係我嘅火腿蛋牛角包，好香口好味道。



Coco冇份食，但狗视眈眈咁四圍望，梗係啦，狗地第一次去Cafe嘛，真正嘅大鄉里出城！



食完就行吓，我後面係Bar & Pub Zone，夜晚好旺架！



放Coco落地散吓步先~Coco唔鍾意用狗帶，要自由行，呢個Trip狗地都算合作，拖住都肯行一陣。



Coco呢個就係拖都唔行樣，要人抱。



呢個Gallery前面嘅銅像好特别~



好似一隻大蜘蛛。



Coco又嚟做吓Model先~



到咗Royal Canadian Mint 皇家注幣廠，可以買飛入場睇做金幣嘅過程~





Coco有得自由行，開心到跳上跳落。



係Parliament Hill 旁嘅五星仿古建筑酒店~Fairmont Chateau Laurier，可以帶25磅以下嘅小型犬入住，但每晚就要加25加元。



係Fairmont Chateau Laurier与Parliament Hill之間，有個遊艇码頭，由于Rideau River上下游水位差好遠，所以D遊艇要排隊過幾级不同水位高度嘅水閘，先出到海。





水閘由人手操作，正在関閉中~



関閉後，变成一道橋。



我地Plan咗两点Check Out，咁上下时間就返酒店，帮Coco抹吓D手仔脚仔，影多幾張相就回程。



天氣麻麻，有雨，路面亦多車，行得慢，呢程車只停咗一次Service Center，两点零出車要八点幾先到屋企。



同来程时唔同，Coco一上車就瞓，全程瞓咗最少四個鐘，真係好攰呢！



返到屋企洗埋白白，Coco就正式结束咗呢個渥汰華之旅。



Coco小朋友，恭喜你完成咗狗生第一個Trip！将来我地一定会再同你去嘅，Cheers！