將膽固醇推向高峰!!

八月, 媽媽生日, 又係全家出去食餐好嘅時候。

今次我地去得龍大飯店:

叫嘢食前, 少少前菜...

得龍最強懷舊手工菜...所以一定要試: 鴨腳包...訂位時已order定...

仲有膽固醇個friend...金錢雞...每人半件啫...都唔過份吖~~

八寶鴨...如果唔叫就perfect...係我多心, 仲無蓮香咁好食~~

冬瓜盅...消暑必食...尤其是响大尾篤曬咗一日個位羅大少~~

太爺雞...生日係咪要有雞食先?! 半隻之嘛...

花雕話梅豬手...唯一冷盤, 好食, 不過唔係我 order...

雞蛋焗魚腸...食完先發現側邊原來放咗成支胡椒粉, 根本無人用過, 又ok喎...完全無腥味。

醬爆魚鮫...生日係咪都應該有魚食先....

砵酒焗桶蠔...一份得5-6隻, 我地要叫兩份...非常得!!好彩我可以食到兩隻~~

香蒜金勾蒸勝瓜...純粹要嚟平衡心理, 不過不失啦...

薑米蛋白炒飯...落單個位聲稱係專為飯桶老豆而設...不過老豆無話要食飯喎...

生日係咪要食吓壽包先....

送嘅桂花糕, 唔駛錢, 不過好好食....飽到郁唔到咁滯都食咗兩件。

完成...其實我地只有9個人食...但叫咗...九餸一湯一飯一包同加送嘅甜品....

半個月前驗過膽固醇, 差少少超標。食完呢餐, 應該要食返一個星期素, 早餐必食燕麥片, 吸走d壞膽固醇!!

然後...再食過~~