沒有感覺的吻

又係半年一度嘅洗牙節目, 由細到大我都超級怕見牙醫. 小時候, 記得第一次去牙科保健, 瞓係張凳上面, 聽到"吱吱"嘅洗牙器聲, 好驚好驚. 跟住更恐佈嘅事就發生…..牙醫驗完牙, 當然就開始洗牙啦, 佢拎住個電動洗牙器慢慢靠近我啲牙, 已經在流眼淚嘅我, 被嗰個"吱吱"器攪到啲牙又麻又痛, 本能反應就緊係堆開佢啦, 跟住牙醫想話再接再厲, 我就緊係捍維我啲牙啦, 大聲嗌"唔好呀, 救命呀!"… 嚇到個牙醫同助手O咗嘴. 佢地氹咗我一輪, 我最後應承如果佢唔用嗰個"吱吱"器, 我就會乖…嘻嘻, 牙醫無晒我符, 用返最原始嘅"啩啩", 慢慢幫我清理牙石. 後來, 媽咪話我啲叫聲, 噪到成層樓都聽到…仲以為有人想劏咗我. 我仲記得, 離開牙科保健時, 會有貼紙同雪糕, 可以止眼淚.

honee今次做deep cleaning, 被牙醫打咗八支麻醉針, clean完之後, 因為麻醉藥未過, 佢個嘴有啲不受控, 講嘢發音有啲怪怪. 好鍾意整鬼honee嘅我, 專登嘗試吓沒有感的唇…哈哈!