網誌分類：有感而發 |
唔知大家F.4嗰年,讀書嘅時問分佈係點㗎?
昨日有２堂空堂,聽咗一個同學講咗好多嘢.
呢個同學佢阿爸阿媽好想佢成績好,一唔好就會罵佢,其實,就算唔係成績差,佢阿媽都可以因為好小事而罵佢.佢會將我同學同佢阿哥比較,而佢阿哥嘅成績真係好好,所以我同學佢就日日放學返到屋企都不停咁温書,搞到自己好累.佢話佢阿哥好自律,會由凌晨１點温到第２朝７點,因為佢係repeat,所以自修,咁即係話佢可以幾時休息就幾時啦,但係我同學佢仲要返學...唔好話我話,連我哋學校一個Miss都話其實返咗成日學,返到屋企已經好累...仲有一樣令我哋聽完佢講嘢,都不禁擰曬頭嘅就係,如果佢成績唔好,佢阿哥仲會對佢落井下石,唔單止咁,咁佢哋２兄妹瞓一間房啦,個阿哥晚晚打機,啲按掣聲嘈,啲光又射到上天花板,搞到我同學佢無得瞓,所以佢都好唔開心佢屋企咁嘈(再加上佢阿媽),又同埋,如果佢想睇電視,佢阿爸阿媽會話:睇埋呢節好喇.
咁以下係節錄至當日嘅對話: 當事人 同佢傾嘅同學
我真係唔想俾人罵,俾人罵嘅感覺真係好差.
你唔好成日都阿爸話,阿媽話,阿哥話,你講到佢哋講嘅嘢都係啱曬,唔係㗎嘛!
我好煩呀,次次俾人罵完之後都會哭,有咩意思姐!
我知我阿爸阿媽而家見到我咁温書,佢哋好開心.
咁你都要顧住自己㗎!
(笑笑口)我累啲都唔緊要啦!
點解佢會講得出呢啲說話?因為佢話:唔係呀,其實佢哋對我都幾好,又唔使我做家務,又俾錢我使(咁佢當然唔大使啦,同埋佢話佢阿爸贏咗馬仲會俾多啲佢)
故事就講完喇,唔知大家又點睇呢?
ball ball 2006-10-06 10:58
um... 咁其實可以同老師/駐校社工講~~
等佢地出面約埋佢屋企人傾會好d~~
因為我怕佢遲早頂唔順~~
會癲的...
Coke 2006-10-05 13:07
又係噃,成績好點解仲要repert呢?我都唔知呀,佢咁講我咪咁聽囉.
其實我哋都有教佢同屋企人講,不過佢話佢屋企人唔會聽,仲可能會覺得佢好懶.
ball ball 2006-09-30 02:00
佢阿哥嘅成績真係好好??
佢係repeat??
成績好都要repeat??
不過我都覺佢阿哥有d衰~~
我中四時好少溫書的~~
其實如果上堂留心就只要溫好少的~~
基本上keep 住每日溫一、兩小時已很多~~
我覺得妳同學好乖~~ 唔想同屋企嘈,所以好遷就家人
不過我覺得佢最好坦白同屋企人傾~~
說返了一日學已很累~~ 所以想每日只溫一小時~~
但會比心機聽書, 等自己成績可以好d~~