網誌分類：有感而發 |
喺上一篇網誌<該不該>中提及一個成日話我係温室嘅同學,前日同佢傾電話,先知原來佢屋企係比我所知嘅重要複雜,相比下我真係好似好過佢,起碼我仲有阿媽錫我.記得佢喺暑假時話想早啲返學.我而家終於明佢感受.以前成日睇雜誌講啲阿爸阿媽點唔識教細路,仲唔到而家真係比我識到個喺呢啲家庭下長大嘅人.
有啲野真係整定,上天安排我同佢一班,好似係想叫我唔好再自怨自憐,因為有人比我更加應該唔開心.
同佢傾計,仲比我知道有啲嘢係唔可以淨係睇表面,別人看起來可能覺得好好,但其實裡面已經變咗質都未定.
佢仲問我想唔想擴大個朋友圈子,我心入面當然想,但佢話到左F.4,個個嘅朋友圈子都己經定咗,唔會再識到新朋友,就算會,都只會係同學.但係,即使真係咁,只要同佢哋keep住而家呢個關係,比我安安樂樂,開開心心咁過埋呢2年,我都已經好開心㗎喇!
其實我知,大個咗後無論壓力同負擔都會大咗,加上睇埋高木直子嘅<一個人上東京>就更明白呢個道理,所以我而家(可能功課仲未係好多)會好好咁享受埋呢段時間,唔會等時間過了才後悔今日無好好咁珍惜,利用.
ball ball 2006-09-13 15:58
有心的話,咩時期可以識朋友~~
但在學時, 最易識朋友~~
因為好少有利益衝突同最無憂的時期