Fusion Dinner @ 東花房

又到每星期既 friday gathering，今次揀左間叫做日式私房菜既『東花房』，係 openrice 睇過食評唔錯，訂位同老細講左人數同 budget，仲可以話佢知有乜野 preference，佢就會按你地要求，度身訂造一檯美味既日式 fusion 菜喇！

我地今次既 budget 係@$250，而 must eat item係海膽 、 刺身，其他就交由老細發板喇！登‥登‥登‥登‥登

頭盤  : 沙拉 + 日式茄子 + 牙菜仔

跟住，新鮮美味既海膽 ，睇見都流口水 

雜錦刺身

跟住落黎既餸菜係唔知叫乜野名架，因為老細好熱情忙碌咁滿場飛

"鰻魚 + 飯 + 炸腐皮" 好香口，好好味

"魚翅瓜 + 瓜 + 帶子 + 獅子狗卷 + ???? " 雖然清清地，但都好好味

"玉子豆付 + 火腿 + 節瓜 + 煎魚肉餅"，正!!

唔好以為係普通既焗帶子，佢係面頭鋪左好多生果粒，係底又墊左 d 筍，令到本來好漏既焗帶子變成好清香可口

(後) : 南瓜 + 蕃薯 + 茄子炸蝦

(前) : 調味用既黃薑粉

加埋就真係，very .. very...very good!! 

清酒煮大蜆，好正!! 不過其實已經好飽

好喇, 到甜品.....

問：老細，今晚有乜野甜品丫?

答：有綠茶雪糕、咖啡雪糕、果凍、芒果布甸、南瓜西米露、芝麻豆付!!

問：咁唔該，樣樣一個丫 (雖然我地得 5 條友，但佢俾足 6 款我地食都無托手爭，抵讚!!) 

臨尾, 老細仲走埋黎, 逐個派張咭片添!!

同場加映 "飢餓三哥對抗喪影 mama "