真的無所謂？

你一直話你無所謂，預左我考零分，

我好開心，因為你終於真正地做到唔比壓力我，

雖然你經常有意無意地暗示希望有奇蹟或者點點點．．．

好啦，到左派完，十三分，

你就同人講「佢想點，佢自己決定。」

我決定左，repeat，即刻話「我唔同意！」

好啦，我去搵下有咩學校升中六，「我覺得你讀高級文憑好d。」

．．．根本你就係有所謂，唔好扮無所謂啦，

個腦諗定哂要我點行，比自由我？

係呀，比自由我講，再發脾氣迫我做你o既決定。

咁樣比我o既壓力更大，仲要加埋失望，

我寧願你一早諗到天花龍鳳，家下我唔掂你走來鬧我一獲算數。

一早話左唔理我成績，有十三分已經好開心？

到頭來依家係我面前就鬧番我當初唔勤力？

本身都無咁傷心。家下，我只係見到一個令我好失望o既人，

可惜我唔會因為你發o既脾氣，鬧我o既野，改變我決定。

結論係，你由頭到尾都無諗住比我揀，

係因為以為我無得揀，你先迫住要我行唯一o既路，

一有得揀，你就打回原形，根本你就要人地照你劇本去做！