~甜蜜‧北海道第五天の終極篇~

這天是北海道之旅的最後一天,下午便要搭飛機返香港了,真係好唔捨得呢...

為了方便返酒店check out,我o地選擇再次去離酒店不遠的札幌拉麵共和國食午餐,o個度有咁多間拉麵店,真係隨意選一間都滿足到我o地 ~

我點的是牛油叉燒拉麵,雖然咁大塊牛油係好肥,但o係香港未食過wo...點都要試下咖喇~

煎餃子係雄仔至愛....一樣咁好味呢 !!

日日經過 JR站時都會見到這間買牛奶產品的店舖,門口永遠都有條人龍,這個情景o係香港就見得多,o係日本真的好小見,每次都想去排隊買黎食,但人龍實在太長,唯有放棄....但今日再次路過時,店舖可能剛剛開門,人龍唔算太長,我o地即刻排隊買黎試,原來入面有牛油,牛奶布甸,芝士,仲有好多好多牛奶產品,最後我揀o左牛奶軟雪糕....嘩...真係好滑,好重牛奶味,好味到不得了,唔怪得日日都有咁多人排隊啦!!

搭JR前都要"襟"罐熱朱古力o係車慢慢嘆~

到o左機場喇,心情依然係咁興奮,原來機場有好多o野買咖,好彩我o地早到機場咋^^

見到我最愛既 kitty,當然要同佢影返張相先啦!

北海道最出名既白之戀人,機場又點會冇得買呢 ~

最後o係機場買o左隻新鮮雪場蟹同海膽,返到屋企又可以再擦過...正!

牛奶布甸做甜品又點小得呢 ^^

這堆是我們的戰利品,全部都係零食呢,大家要認住o個盒北海道薯條呀,有機會去北海道一定要買黎試,超好味咖 ~

六花亭士多啤梨朱古力,好味又唔太甜,必試!!

o係機場買既芝士旦糕,芝士味勁濃,細細個好好味,好後悔冇買多幾盒 ~

最後就係超級推介...芝士蕃茄合味道杯麵!!蕃茄湯超濃味,平時我食杯麵唔會飲埋d湯的,但依個杯麵既湯實在太好味,我連湯都飲埋,所以如果鍾意蕃茄味就一定要試呀!!