揀選幼稚園

之前唔知屋企附近嘅幼稚園, 會唔會好似出面咁, 競爭激烈, 又唔知會唔會好難收, 所以mama都大包圍式幫蝦仔報咗4間幼稚園.........

而家已經In咗3間幼稚園喇, 而且3間都決定咗收仔仔, 就連first choice 同second choice都收咗, 所以睇怕第4間都唔駛去interview喇~~

雖然mama係全職mama, 但都想比仔仔讀全日班, 因為仔仔扭/嬲起上嚟, 皮氣好大(尤其係對mama), 而且鍾意話事, 唔要就唔要, 唔得就唔得, 所以讀全日班係想仔仔學習吓群體生活, 學習規律, 比佢知道唔係樣樣都係佢話事架............

二嚟baby就出世喇, 除咗我怕自己搞唔掂之外, 我亦覺得其他mama朋友都講得好啱, 我要比番Owais多d時間, 因為一向我都係全職湊蝦仔, 所以到Owais出世後, 我都想比番多d時間佢, 同佢相處多d, 公平d..........

不過問題係, first choice收咗仔仔讀上午班, second choice收咗仔仔讀下午班, 而最後嗰間先至係收咗仔仔讀全日班, 所以如果我比仔仔讀全日班, 我就要放棄 first & second choice, 而且阿bu一向都唔想仔仔讀全日班, 所以睇怕我地最終都係會揀番first choice, 比仔仔讀上午班就算喇..............

但到時我d時間就會變得好急趕, 一早起身要湊住Owais之餘, 仲要嗱嗱林幫蝦仔準備, 之後一拖二咁帶仔仔番學上課, 之後可能買吓餸番屋企無耐, 又要帶Owais落街去接仔仔放學, 除咗希望自己搞得掂之餘, 更加希望唔會阻到Owais作息時間啦.............

不過仔仔出年先讀K1, 所以就算Owais出世之後, 都仲有大半年比mama適應, 所以應該無問題嘅~~

因為做阿ma係萬能架, 唔得都要得, 知無!!