仔仔係一個Drama king, 變臉技術神乎其技, 上一秒以為佢好開心, 笑得好燦爛時, 下一秒可能已經拿埋口面, 發緊皮氣, 正當大家R哂頭諗緊佢嬲乜時, 細心一睇, 唔難發現低頭嘅仔仔咀角係向上繞..............

就好似今日咁, 一路上仔仔都好開心, 好興奮, 自己跑自己笑, 明知mama要同佢合照, 硬係好似濕水攬核咁周圍走, 又唔肯望鏡頭, 真係影幾十張都無一張似樣...........

搞到mama要出d古惑招, 突然抱起佢左fing右fing, 引佢望鏡頭笑, 哈哈~ 真係手都軟埋呀~~ (e張相開咗閃燈, 街境即刻暗哂, 哈哈~仲影到mama差唔多9個月嘅大肚)

再加上婆婆同ee一路行一路同仔仔玩, 仔仔嘅笑容就一直掛喺面上........

一直行一直笑, 直到見到d街頭表演, 仔仔停低駐足觀賞, 喺e個時候, 仔仔神情依然輕鬆自在.....................

之後仔仔見表演者停咗落嚟, 就有樣學樣, 去入$$希望表演者繼續賣唱............

哈哈~ 如仔仔所願, 表演者即時為仔仔唱咗首ABC's Song, 仲要係望住仔仔大聲獻唱, 仔仔霎時被受注目..................

受人注目嘅仔仔頓時變臉, 哈哈~ 條眉縐埋一堆, 個樣仲好唔妥咁呀~~ (個表現者可能心諗:[ 唔係喇化, 難道首歌唔啱聽?? 駛唔駛啤到咁行呀~~])

哈哈~ 其實佢無嘢架, 轉個頭仲陰陰咀笑添呀, 不過當有陌生人注目, 又或者陌生人同佢講嘢時, 佢就好鍾意擺出e個樣嚟嚇人, 哈哈~ 可能係佢保護自己嘅一個表現, 但幣在幼稚園面試就快開始喇, 到時佢擺出咁嘅樣面試, 我就真係唔知點算喇~ 哈哈~~