K1面試@劍鳴

今日11:30am，星仔要去九龍塘劍鳴幼稚園interview

劍鳴本身有N1，所以收K1新生唔會多

但申請嘅人卻非常多！

我地都係志在參與，去見識吓！

去到校園時，首先排隊登記

然後好快就入去面試了！

非常流水作業式

面試分兩部份：

第一部份係group interview (英文)

6個小朋友一齊喺一間房

有3位外籍老師

1位負責講故事、問問題

另外2位負責評分

主題係 wheel

一開始係一齊唱The Wheels On the Bus

完全岩哂男孩子

不過會答問題嘅，只係一個女仔

其他5個男仔都無答過 (包括星仔)

然後老師叫小朋友一個跟一個去攞搖鈴，一齊跳舞

大部份小朋友都做到

跟住係 "捐" 山洞

一邊唱 London bridge is falling down

星仔都有參與

第二部份係一對一面談 (廣東話)

叫咩名？

隔離嗰個係邊個？

比件玩具星仔，要按鍵使玩具彈出 (考小手肌)

分顏色 (紅，藍，綠)

指出公仔嘅眼耳口鼻

分辨圖畫上的物件 (杯，手，apple，banana)

老師推架車仔比星仔，然後叫星仔推返比老師

兩個碗，一個碗內有3粒積木，叫星仔遂粒攞過去另一個碗

老師有好多道具，好吸引小朋友去參與

老師每攞一件出來，星仔都好期待

不過星仔回答老師問題時，好細聲，老師唔係好聽到

好多次都以為星仔唔識

而星仔答問題都係答英文

老師唔expect係英文，所以都係聽唔到

面試嘅過程，其實都好快

連埋登記唔駛30mins就走得

好有效率！而且仲有好多家長義工幫手

可想而知，學校好有系統

interview嘅內容，其實同上Sam Sir Playgroup嘅好相似

星仔有playgroup嘅訓練，對於以上各項並唔陌生

特別係group interview嗰part

要小朋友一個跟一個攞嘢

排隊 "捐"山洞

啲情景完全係熟口熟面

真係要多謝Sam Sir呢！

星仔今次嘅表現

係咁多次interview中最好的一次呢！