參觀小學

19 ~ 3 ~ 2009

有無諗過，小學入面會有playroom？

原本無諗住影相，不過見到個playroom，

覺得實在太特別了！所以開始影！

個playroom係專為小一、小二生而設，

幫助佢地適應小學生活的！學校想得真周到！

呢個就係playroom門外。

學校著重同學嘅英文閱讀，

除左有 English Learning Room，

喺操場旁，

仲有Reading Corner，讓同學可隨時閱讀。

攞本書，同學可以坐喺長椅上閱讀。

圖書館佈置舒適，顏色鮮艷。

同學可以脫下鞋子，坐著看書。

也可靜靜坐在椅上溫習。

放學後，還有不少學生留在圖書館閱讀。

有些學生在上網。

每一層也有清晰的指示牌。

課室內，枱椅的擺放，全交由學生決定。

有些課室的枱椅是單行，

有些是雙行，

有些是三行，

有些則是小組形式擺放，

同學有自主權，也肯自律。

課室內將貼了不少同學的作品！

課室門上，有班相，提升同學的歸屬感！

有每月之星，今個月係「助人之星」！

有閱讀紀錄！閱讀堂時，老師會評分。

走廊上，有同學的家庭照，

都係有助提升同學的歸屬感！

仲有勵志句語，幫助同學建立正面的價值觀呢！

話說回來，星仔先兩歲，點解咁快去參觀小學？

實情係星媽報左個半日嘅課程，學魔術，

喺屋企附近。

點知首先係參觀校園，都算意外收穫！

40人參加，每人有一個導賞員，

給我講解的，是一個小六生，很率直、乖巧！

無背誦，以上講解，全都是平時學生所感受的，

佢就照樣介紹給我！

實在令人讚嘆！同學的表達技巧真係好好！

同學仔仲同我分享選中學的經驗，又一意外收穫呢！

原來有些同區幾好嘅中學，在家長眼中還不算band 1。

間學校設施一流，

有鋼琴嘅房都有3間，又有舞蹈室，

有校園電視台，電腦室有2個，

會議室都有 2 大 1 細。

教師休息室，有梳化電視電飯煲等等，

同學上課外活動都有機會用。

仲有學生會，小學都有學生會？

係呀！仲要係同學自己拉票，介紹政綱！

好特別！

呢間學校係「啟發潛能教育」嘅先導，

曾先後派老師到澳洲吸取經驗。

所以，啟發潛能教育方面做得好好！

可能呢啲係非名校要有嘅嘢啦！

選校時，呢啲都係要考慮嘅因素！

是次活動的紀念品！

(唔好問我係邊間學校喎！如果估到我就話你知啦！)