草蜢忘我演唱會 Grasshopper Right Now in Concert

能夠免費睇我既至愛草蜢concert...實在太太太高興啦~!!

事緣昨天4月2日乃草蜢忘我演唱會既首場,
由之前得知草蜢會開concert, 小文已經密切留意,
原先話開三場, 小文已經覺得一定會再加,
所以忍手唔買飛住...及後得知會再加三場 (4月8號尾場)
就立即飛撲出去買飛, 買左兩張同家姐睇!

點解之前又忍手, 一加場又即刻買?
事關之後個檔期會輪到「基會難德」嘛~
所以尾場必定必定就係尾場!!

點知之後又再度加場, 心諗: 又加!? 仲點加?? 無期啦喎...
原來再響之前加多一場 (即2號) 呵! 真有辦法!!

加左呢場2號, 已經有朋友話可以買到好位,
但小文心思熟慮過後, 終於決定只支持佢地一場,
所以有好位都無買到囉......

之但係又點解有得睇第一場?  仲要免費咁jetso???
真係要多謝好朋友亞sa, 佢話臨時有d單丁飛, 問我要唔要?
我話唔要囉...但佢話免費喎~!!

唔駛講, 即到~~

講番頭場三子既表現, 老實講, 作為頭一場, 我會俾90分!!
因為第一場係「白老鼠場」, 好多走位舞步講稿都未必能夠做到最好,
但睇完之後, 因為佢地實在太合拍啦...完成度超滿意!!
所以我預期尾場會超超超超超好睇!!!

草蜢~ 加油啊~!!  下年25週年再開concert啊~!!!