網誌分類：和平飯店 |
新星海鮮火鍋酒家~~劈價１００天~~
二人同行，一人價錢~~~
聽落好抵架，於是尋晚走左去試下啦
等左半個鐘位，都ｏｋ啦
揀野食，竟然有象拔蚌喎，不過任食仲要咁平，都唔方好食
比左張紙佢，等啊等．．．等啊等．．．等左大半個鐘都未有野來
雖然係爆場姐，但其實真係執出黎咋喎，又唔水煮．．．駛唔駛咁耐丫
．．（周圍幾台客都好鼓燥，又媽又叉，又起哂身咁 一.一")
煲到個湯底都燶埋......
不過佢藍冰都係任飲，我地一ｄ都唔心急咁．．．狂隊住啤酒先囉～XDDD
終於等到ｄ野食來．．
但係我地點左十樣，佢就求其執四五樣黎．．．真係好求其 =.=
跟住我地醒呀，即入第二張，不過都係食完哂都仲未來，而且都係揀十樣得五樣咁囉
其實佢ｄ野食都唔算差，除左個象拔真係一ｄ味都冇之外．．．
其他野係幾新鮮，之前食過幾次都幾好食，所以先好想來之嘛
但而家因為平左果幾十蚊，食到冇哂癮．．．
唔會再去ｌｕ～
前排有ＦＤ試過話ｏｋ架，唔知係咪果時未有咁多人知，所以未有咁多人．．．
仲有聽聞尖咀果間分店唔會有咁既情況喎
你地可以去試下既～
