我要同壓力講拜拜

我終於攪掂晒Ｄ野啦！好開心呀！

自從上個星期五之後，做功課做到一直未停過手咁制，連上貼吧都無時間，

本身已經夠多野攪，Ｄ老師仲要日日比超多功課我地做，

仲邊有時間練笛喎？星期三考左，今次好差囉！同香香一Ｄ都夾唔到～

我覺得佢當左我地係機械人，可以一日二十四小時做唔停手，

幾難得考完音樂，但英文錄音又未錄，中文說話工作紙又未做，

生物英文詞彙未溫好，ELA工作紙又未做，真係救命！

得返最後今天限期，搏晒命做完晒Ｄ工作紙，然後錄音．

咁都錄左我一個鐘呀！瘋狂NG囉～

不過，當英文錄音按儲存的時候，就代表這星期的壓力結束了！

但故事依然繼續，星期六要去西貢塔門遠足，大把野要準備，仲未鬆得，

套溫拿＜玩吓啦＞的歌詞： 天天奔波咁緊張，好應該鬆吓喇！