好差記性的我今日終於記得換哂d地鐡車票, 如果唔係d積分又泡湯. 好開心可以換到成9張呀...呵呵....呢個儲積分的計劃唔錯...妳哋有冇join到呀, 如果有好快d去換車票喇...7月底會到期 .  

扭扭扭...唔係講妹妹豬或細佬佬扭計, 而係最近我貪得意鍾意扭蛋, 以前冇呢興趣覺得浪費金錢, 而家可能都係因為覺得有時有d玩具真係得意所以先想扭出黎俾妹妹豬或者細佬佬玩. 起訴只係扭過tho...

話說過年前訂咗d新書俾妹妹豬, 因為用咗最平既運輸方法(運費亦會相對平d), 所以預計到達日期會係過年後3星期到. 誰不知今個星期一返工時竟然已經到貨放咗係我table度, 好superise不過好開心...

呢2日我個blog好似short short地, 有blog友話睇唔到內容呀, 我都唔知why解, 可能d設定有問題, anyway...等我攪攪先, 如果邊位睇唔到就留言話我知啦.