魔鬼之子

今朝無啦啦俾G哥哥既電話嘈醒。

(其實好在佢打黎﹐因為欣欣約佐個減肥客﹐但唔記得較鬧鐘。哈哈~)

G哥哥一開口就問﹕‘喂﹗你今日有咩做呀﹖’

心知佢係想叫我返工。。。

佢話B弟弟病佐﹐公司冇人唔得﹐想叫欣欣返工。

OK啦﹗冇問題﹐見完個客就返去。。。

呀﹗入正題喇﹗。。。返工晌地鐵內。。。

又俾欣欣遇到個曳曳既小朋友。

有個印度小朋友晌個車箱內大吵大鬧﹐要佢阿哥讓個位佢坐。

最後冇位坐就坐晌地下大喊。。。個阿媽又唔理喎﹗

真係好嘈﹗成個車箱既人都望住佢地。

其實遇到依D咁既小朋友都唔係第一次呢﹗

唔知點解近半年﹐10次出街有8-9次。

身邊都會出現D好嘈好百厭好曳既小朋友。

識行識走識講野既細路仔就會好嘈好吵﹐猛講野問野週圍走。

手抱既BB仔就會狂喊。。。喊到拆天~

早幾日同JimJim晌屋企樓下食野﹐又遇到一對兄妹嘈嘈弊。。。

話要食依樣果樣擒檯擒凳。。。見到就想鬧佢地。

點解又俾我遇到D咁既細路架﹖

連JimJim都忍唔住問。。。點解成日都會遇到D咁既小朋友呢﹖

欣欣就講笑話依個係個提示﹐叫我千其唔好生B。

(補充句先﹐我識既朋友既細路一D都唔曳﹐係晌街上先遇到。)