鸚鵡 (9 號風球日) 及翌日

星期 4 已經做左 "天文台台長" 不過跟進風暴消息, 同埋通知左大陸同事星期 5 唔駛返工, 晚間新聞又話可能下午先掛 8 號, 好彩星期 5 老公一早就話我知已經掛左 8 號風球 !! 老公星期 4 已經租左碟 (五星級大鼠)添, 預左佢一定打得成~

上一次既 8 號風球因為姑姐同表弟 o係 HK, 就叫姚生車佢地過黎打牌, 不過今次佢地飛返美國, 冇人陪我玩 lu!!! 1 點幾起身就同老公落街食野, o個陣已經掛左 9 號風球啦, 一出門口我都話返轉頭, 超超超大風, 勁恐怖, 但佢話想飲奶茶, 最後都落左街, 好彩未係好大雨, 因為有遮都冇用~ 食完想去百佳行個轉, 點知百佳都閂門, 咩都冇得行就返屋企睇碟, 五星級大鼠 比我地想像中好笑得多 睇完我又覺得好悶, 所以就拉老公落街還碟同行下, 又係行個轉就返屋企, 之前問老公同事 Candy 借左 "容祖兒演唱會" <-- 唔該晒 , 返屋企睇左陣奧運又再睇埋, 睇新聞又話星期六早上先考慮改掛 8 號, 滿心歡喜以為今日唔返工 (本來今日短週, 不過預計星期 5 打風, 所以星期 6 全體同仁都要返工) , 點知都未訓覺已經掛 8 號 lu~

今日 (打風翌日), 返到公司就做到趴街, 做到而家都未走得~ 不過其實都做晒野, 等 4:50 pm 就放工, 因為星期六係彈性上班時間, 要返足一整個鐘就有錢, 我 9:48 am 先返到公司, 所以要 4:48 pm 先放得工~~

老公又去左剪頭髮 lu!!!!