歐洲之旅第一站--荷蘭

大口妹與老公第一次去歐洲呀!除了金錢考慮外，之前好怕要坐十多小時的飛機。怕辛苦!但大口妹話: 除非一世都唔去歐洲je，否則怕坐機的問題都要克服啊!!

本來join新華團的，點知到臨出發10天先話唔成團，於是傳左join翠明，除了要多付2000元/位(因為冇優惠)之外，其實翠明安排得都算唔錯。

第一站是荷蘭，外國d 空氣就係好，雖然晒但唔熱的，大口妹仲成日掛披肩添!!

荷蘭原來酒色好開放的地方，大麻可以隨便食(在指定地方)，有大麻酒/大麻糖。在紅燈區有櫥窗女郎，對保守的中國地方來講都算有趣。圖中的女郎當然火辣，但以當日觀察，好多都是又老又大份的老女啊! 並不是個個都咁索。 

外國原來咩都貴，初初唔太適應，連一枝500ml的可樂都要港幣廿多元。(水同價)

麥記都要一百多元一份餐呢!!

阿姆斯特丹是古典的城市，坐艇遊河感覺好舒服，D屋的窗好大。可能是天氣好，他們每間屋的露台都喜歡佈置到成小花園咁，花開得好靚。

這個銀包是大口妹在台灣新買的，好cute!! 又適合旅行用喎!!