幸福家庭

由最初話結婚到而家........足足都有九個月.......

呢九個月以黎....都可以話預備得好順利..........都係多得有足夠的時間去預備........

我個人雖然心急.....但係結婚真係人生大事......無可能太趕急........

當然亦都無可能做到一個完美的婚禮......但係係我心目中....

我只要一個幸福的婚禮....幸福的家庭.......

一直以來........建立一個幸福的家庭係我筆生的夢想..........

真的.......任我工作得幾叻......讀書讀到幾好......

我都覺得不及一向仔仔女女的"媽媽"...

又或者是老公的一句"老婆"來得合我心意...........用錢...係買唔到的........

可能都係因為我本身都有一個幸福的家庭所致........而令我會咁唸.....

係經濟低迷的時候......爸爸的廠要搬去大陸.........

正常爸爸都可以返大陸工作........而且人工會比香港更高.....

但係媽咪同爸爸都決定了爸爸留係香港工作............寧願慳d....都唔寧願我地無左爸爸......

任我點相信就算爸爸係大陸工作時唔會包二奶都好........

我地一星期都相信只有一/兩日先會見到佢...........就唔會有而家咁好感情的家庭了.....

我地三姊妹好鍾意同爸爸玩.....好鍾意同佢講笑.............真係咩都講得........

仲記得我淨大家姐錢........大家姐話要向我追數......同爸爸講.........

我只係扮下可憐既樣同爸爸講......."爸爸呀".......

爸爸就會同大家姐講......."你唔好迫佢啦".........

我知道爸爸真係好鍚我地...........好保護我地.........

我同呀b又成日講d野去"話"佢........佢又會陰陰咀係到笑.......話我地成日夾埋係到玩佢.........

唸起真係好好笑.......

有一日.......我扮細個時同佢講..."爸爸零用錢"(以前到星期日我地三個都會咁同佢講)....

佢即刻陰陰咀笑.........話我"仲細咩"........

但係轉個頭.....佢真係比左$20我.........仲叫我唔好同呀b講.......

我點會唔講呀........佢叫得唔講.....其實就係想我話比佢知.....等呀b都會去嗲佢問佢攞............

有一日......佢同我講........話唔捨得我結婚.........

因為我走了.....無人陪佢玩.......無人陪佢傾計(我係會坐係梳化陪佢係到睇電視傾計的).......

個一刻....我真係feel到佢係唔捨得我的.........

回想起.....好在媽咪爸爸無因為金錢而沖昏頭腦.....如果唔係我都唔會有一個幸福的家庭....

雖然我家姐成日都蝦蝦霸霸.....成日比佢蝦......但係無佢係到......我又點會有三姊妹的童年回憶呢......

仲有媽咪.......呀b...................

想到呢一刻......到我出嫁的時候.........

想到致詞時多謝屋企人的情景.....我已經想流淚了.......到時點算?!

在未來.....我都希望我可以建立到一個幸福的家庭........

我知...我已經有一個好鍚我既老公了......你地放心啦!

my happy family~