我係一條廢柴

07年以前, 我在工作上有點好聲望-----善於發現問題, 善於處理及解決問題, 是一個完美主義者. 工作盡責, 令人可放心, 乃醒目女一名. 係秘書部門老細心中有個位, 文筆有點利害, 有幾次我枝筆都為自己翻案洗冤. 在SARS時期一人同時身兼四職----兩個部門秘書 + 一個行政廳秘書 + 高層大秘書, 期間工作沒有出錯過, 也被當時廳長讚譽過工作能力強, 乃世界女一名。所以曾經高層有大秘書空缺時, 要向斃部門要人, 老細都會上呈我個小名於名單中由高層選擇, 可惜我不通葡語, 而英話只係都ok吾錯啦, 所以大秘書之位上不了, 但仍保住係糞坑之霸主之位.工作量少又自由自在。

時移世易日轉星移, 自07年和部門某女同事有言語衝突後,當然附上被部門眾人狂插之禮物, 以致糞坑的老闆對我擺明不滿，想我走到宣之於口，而我只回敬一句：『你吾鍾意我就打紙換秘書，我根本吾會死懶係度，舊年我已同老細講過要轉部門啦』當然作為一個男人，誰肯揸枝筆去做契弟？糞坑老闆只說：『我吾會做呢D野喎, 如果你係呢度令你心理上有壓力或者吾開心，你隨時可以走。』

在此二年間不斷收到糞坑老板對我贈送之冷言瘋語, 烈火冷箭，諸如：

l        你有無帶個腦番工架?

l        你用個腦諗吓啦?

l        ELA NAO TEM CABECA---佢無腦.

l        喂, 你係咪走呀, 係我就燒炮枚送你走呀.

l        有一次我要補鐘早走, 作為下屬的我自必要向作為上司的糞坑老板上報 : 當時老闆吾好老脾回應----『你D野吾洗同我講, 我吾係你老細.』----當住其他同事面前講.

l        ……………

l        ……………

l        ……………

l        最重要就係當我係佢老賓一樣大發老脾, 送以黑面無反應. 差在未大聲叫我廢柴. 糞坑老板已用佢行為令我變成一條不折不扣的廢柴

為以上種種, 都在這兩年間沮喪難受過, 怨天怨地過. 以前能幹有工作能力的我被冤枉成一條廢柴, 真的不無傷心過.

但主又真係有佢一手. 近日, 我猛然開竅. 不再不快樂, 該是我在今年生日那晚的祈禱之後. 我心不再低沉, 不再戚戚然. 然後我反而大聲和同袍說----我係一條慶柴, 而且是一條快樂的廢柴, 在工作上我不需再有任何表現, 只需不會出錯, 我便可安然做到老, 我的時間是為我自家生命與家人而燃燒, 而不是被人當台階去踩著上青雲路, 我的人生是為女女為環遊世界而活, 我的時間是寶貴的, 一旦成了糞坑老板的左右手, 每有大事發生例必要伴著老板左右加以扶助, 老板不能放假左右手便休得想去放假. 我的時間是花在自己身上, 我的時間是為自己的生活去投資, 去搵真銀. 我才不要跟在糞坑老板的屁股後. 為他人作嫁衣裳. 伴君如伴虎, 一日我不再有用時, 才不要被人棄如垃圾. 現在我不知多快活, 老板當我是廢柴, 我便成了自由自在大快活, 我可以自由的投資搵真銀. 我可以與糞坑的同事嘻哈渡日. 不知多爽.

我現在開心的宣佈, 我係一條慶柴, 而且是一條快樂的廢柴. 開心在於我為自家而活而不為他人作嫁衣裳.