狐仔徐徐飄至

夏日將至，雖未食五月『傻』但寒衣已入櫳，在擠逼的車廂中，狐仔徐徐飄至，一朝早未食早餐，真正係隔夜飯都嘔埋出嚟，而多數發出狐味嘅未必一定係男人，啲阿姐啲狐味….嘔！今朝就有個好狐吓嘅阿姐，佢仲要著件好鬆吓嘅短袖衫，拎住份都市日報『摃』起佢嘅手臂，狐仔直接由加拿大飄出。其實有狐仔嘅人相信都知道自己有狐仔，唔通真係無方法解決咩？點解要將痛苦建築在別人身上，俾人眼望望都尷尬啦！

又講吓工作嘅嘢呢，而家呢份工做咗五個月啦，接觸咗好多唔同嘅嘢，真真正正take up Account Manager呢個角色，由recruitment, 寫policy, 解決staff issue, 做payroll, 咪勞例，呢樣嗰樣，諗得到related to HR嘅嘢都關事，好似baby sitter咁。以前嘅公司大多數以工種或層級嚟分工，而家就分地區，但都有好多個地區分到俾我，粵、港、澳同少少菲律賓，唔同地方有唔同嘅法例，做起上嚟都幾花時間，但就無咁悶囉。嚟緊我要將recruitment嘅工作shift俾另一個同事，嗰個同事係做咗好多年嘅老pat pat，遲到早退，叫佢做嘢推三推四，以前通常都係做細，無咩機會安排人哋做嘢，一嚟就安排條咁嘅友仔俾我？