SK-II 用後感

接受咗<SK-II X BeautyExchange.com極升美肌之力試用活動>，喺25/8開始試用SKII嘅神仙水、Skin Signature同Facial Treatment Mask。啲同事講話四字頭先用SKII，但我就覺得皮膚應該趁狀態好嘅時候就要好好保養。
首先講吓神仙水先，其實我上年都有用過神仙水，BA都介紹過神仙水係可以提升其他護膚品嘅效能。我覺得用咗之後，皮膚無咁乾，上粉比較貼啲。
Skin Signature嘅質地幾薄，BA話係由橄欖提煉出來嘅，一講起橄欖會諗起橄欖油，但佢唔會好油立立咁，仲有，值得一讚嘅係佢無乜味，我最怕啲cream油立立兼香噴噴，呢隻就好爽身同容易推開，相對地較易吸收，唔會成層留喺皮膚上面，滋潤程度都幾好。
Facial Treatment Mask真係正到無得彈，個面膜嘅精華液好多同好豐富，敷完之後無咩特別感覺，都係一般面膜完咁好有水分，但第二朝洗面時先覺得塊面明顯滑咗好多，彈性好好，作為急救面膜真係一個唔錯嘅選擇。
一分錢一分貨，用喺面上面嘅嘢真係唔慳得咖，姊妹。