網誌分類：Carrière |
2007.3.21
今日係復活節假期第一日，噚晚十一點半先喺公司離開，真係有史以來第一次，究竟班管理人員開始sense到問題嘅存在未呢？努力嘅付出得不到回報，只有一句唔好意思，將心比己，人哋點會同你捱落去呢？呢排攪到又失眠、又生到成面粒粒，一個文員級嘅職員點解要咩咁重飛，究竟為啲乜呢？每個人做每一件事都有動機同原因，每個同事都有佢自己嘅原因點解會留低喺呢間公司，有人因為走唔到，有人因為呢度要求低，老實講我係為咗有升職嘅機會，但自從踏入今年之後，感到越來越渺茫，唔係我唔努力爭取同表現自己，而係感到周圍有股力量喺度窒礙緊，so，無期望就無失望，與其等人哋俾機會，倒不如自己俾機會自己。
王太后同太上王今日去咗拍拖，我同王泰子就去咗銅鑼灣，睇吓傢俬，王泰子話我開始似王C-Line，夜晚同熊熊、兔兔、邦邦食飯，咁就過咗一日假期。
P.S.上個星期終於搵到本「瀛寰搜奇」
