沙娃風小姐出嫁了

2007.10.1   晴

今日係沙娃風小姐出嫁嘅大日子，天氣好到不得了。我一朝早八點鐘到達沙娃風屋企，開始了忙碌的一天。我去到佢屋企化粧、set頭、準備玩兄弟嘅食物，一朝早請佢哋食「甜酸苦辣」，娶老婆你估話咁易！十點鐘班兄弟到場，玩完一輪、敬茶之後十一點出門去男家，上到去休息一陣去茶樓食午飯，午飯之後去咗沙田中央公園影相。好彩天公造美，影出嚟嘅相好靚。到咗呢個時候，著咗大半日高踭鞋嘅腳已經痛到不得了，為咗靚，無法啦！沙娃風喺公園掟花球，佢一心係想掟俾我，但係佢第個接到，可能註定我未有咁快嫁得出呢！四點半去到沙田美心準備，負責迎賓桌，賓客陸陸續續到，好快就開席，之後又要負責做司儀，一切都去得好快，散席嘅時候已經十一點幾。平時去飲等入席好似好耐咁，但自己involve落去就覺得時間好緊。

多謝泰泰同我哋影咗好多相，大家可以去睇吓吖！→

http://www.flickr.com/gp/13461060@N06/E8d10g

最後，睇完啲相發覺自己真係肥咗好多，警號響起，要努力了。