Aulait 肚子上的第二條疤痕

六個月後，Aulait今日又俾醫生劏一刀。因為肚dum有個存在左幾年脂肪瘤的物體，個多星期前有個傷口，仲有d液體流出黎，一直都唔埋口。剛剛醫生放假，今日一返工就立即去睇。為免將來再有病變，都係決心切除。同樣係全身麻醉，但係今次係皮膚層手術，唔似得六個月前切除子宮咁大劑。

個幾鐘頭後去接佢，已經可以慢慢行，當然仲係烏sir sir。再過多幾個鐘，佢好似乜事都無發生過咁，行動上落樓梯自如，但係好唔順氣點解餐飯會少咁多。事關醫生話飲水同食野都要慢慢黎，怕佢手術後會嘔。

Thank God, 又再大步檻過一關，下星期三就Happy Birthday Sweet 13th, yeah !!!