6/7[太陽報]布景板完再 Fiona三遭扑頭發傻喪笑

昨日Fiona以宣傳大使身份，出席《青少年服務網站設計比賽頒獎典禮》，當她於台上與嘉賓影大合照時，身後的布景板突然倒下，正正壓在站中間的Fiona，嚇得她「嘩」一聲！不過她隨即將布景板推回原位，並擰轉身繼續拍照，可是布景板又再倒下，Fiona對於接二連三「中頭獎」，最後轉以大笑遮掩尷尬：「我唔驚，塊板好輕！我冇被壓傷！」

另外，Fiona透露常在Blog寫日記，不少歌迷亦有留言，但當中亦有些不速之客，留下粗言穢語：「通常呢最好唔好畀反應，就算人鬧我都好，雖然我可以刪除佢，但我唔會咁做，因為個Blog係公開，寫好同衰都有佢權利！」

玉照遭移花接木
語言污染外，Fiona亦見過自己的照片被移花接木到一些裸照上，令她十分無奈：「呢真係控制唔到！如果我收到其他藝人呢相，我絕對唔會轉寄出去，因為真係好過分，成件事都好缺德！」