半肩立

今晚上堂, 做o左個耐沒有做的半肩立. 即好似肩立式o甘, 但背部放斜45度角, 腳伸直, 隻手撐著下背部. 唔知點解近大半年yoga teacher都沒有練習這個式子, 今晚忽然有興致做這個. 好彩沒有太生疏, 腹力比以前好, 可能今晚上堂前沒有食野, 手撐著下背部時都比以往穩定. 大腿收緊時感覺輕o左, 可以hold 得定d. 下課後yoga teacher都話我地做得穩定o左.

說起肩立式(或半肩立)令我想起一件往事................. 大約在最初開始練習yoga時, 我的體力好差, 骨頭又硬, 做任何的式子, 第一個放棄的人總是我. 好樣衰架!  有部份的式子更是完全做唔到, 就如肩立式. 每次望著人地練習時, 總是覺得驚訝萬分. 唔明點樣做, 好似唔使用力就上到o甘! 大約持續練習差不多一年, 體力有了明顯的改善, 部份的式子可以做得有五六成似, 但是肩立式仍然做不到. 有次又要做肩立式, 我又躺臥地上望著人地好輕易o甘做. 忽然, yoga teacher站在我的頭旁邊, 樣子超勁無敵.........cool, 面部表情有d不滿o甘叫我 "你, 起腳! " 佢又忽然出現, 比佢嚇一跳之餘, 望見佢個嚴肅樣有d驚. 我提起腳90度, 向上踼起, 唔得, 又做唔到. 佢面無笑容o甘話"再o黎! 用腹力."  我再提起腳90度, 佢一手抓住我的腳腕. (我其實當時仍然唔係好明咩野叫腹力, 我根本就無力. ) 我嘗試少少收緊腹部, 隻腳用力向後踢起時, 竟然連背部都拉起. yoga teacher 即時放手, 由得我震下震下o甘升起個背部同雙腳. 佢一直站在的旁邊, 雙手o旁著我好震ge腳, 怕我會唔夠力跌落o黎. 我驚訝自己做到肩立式之時, 看見yoga teacher面上終於有番少少笑容o甘"唔"o左一聲之後就行開o左. 這是我第一次做到肩立式, 只是維持o左不到十秒, 我的手已完全無力再支撐身體, 再放棄了.  再躺臥時, 個人還未定神, 剛才發生的情景仍在浮現. 之後每次做肩立式時候, 都會使我想起yoga teacher那個嚴肅樣, 同那一聲"唔".