瘋騷快活人 ( IX ) --眼淚

瘋騷快活人第九集(梁繼璋)
眼淚是上帝賜給人類的振痛劑，清涼液，在徬徨無依，孤立無緩，心情極度痛苦的時候，眼淚就會流出來，它不能扭轉悲劇，但可以沖淡哀傷；它不可以幫助忘記，但可以幫助接受。
眼淚的味道是鹹的；流淚的時候，心情是苦的；流過眼淚之後，眼睛是酸的。雖然這些感覺加起上來，會不會很難受？但當人受到創傷之後，眼淚就是唯一及最好的喧曳。
有一個男人，平時醉心工作，很多時都沒有時間陪太太，所有的節日、紀念日、以至太太所有空虛的日子，他都不能陪在太太身邊，盡管他許下了一次又一次的諾言，都是徒然，非常之不辛，他的太太因病去世，這個男人一直表現冷靜，由辦事的第一日，到後來所有的手續辦好了，都沒有流過一滴的眼淚，其他人都登他的太太不值，認為這個丈夫這麼冷血無情，甚至他太太的家人，都紛紛指著他來罵：「你這個人‧‧‧」無論其他人怎樣責怪他，他都無動於忠，默默承受。辦好了喪事，他的朋友和他坐下，談開這件事的時候，問：「其實為什麼你會這樣？」他回答：「以前我答應了太太很多東西，答應她；她想我做的事，到最後沒有一件做到，我一次一次的令她失望，我一次一次的犯錯，在她臨終的時候，她安慰我，不要為她的離開而難過，她說如果看見我哭，她會更加唔捨得，所以她希望我，在辦喪事期間，不要為她流一滴眼淚，加添她的傷心。今次是我可以理行諾言的最後一次，我一定不可以令她失望。所以，無論怎樣，我都不會流一滴眼淚，只是因為我答應了她。」說完這一翻話，他的淚就像缺堤的水，一湧而至！

流淚是會令人唔開心，但如果不可以流淚，心情將會更難受！你明白嗎？

瘋騷快活人第九集(李麗蕊)

常言道：男人有淚不輕彈。所以女人喊就可以更加可以隨心率性，甚至乎成為佢嘅武器要男人乖乖就範。哭泣，我諗係與生俱來嘅，喺BB仔嘅時候呱呱墜地，嚟到呢一個世界上咩都唔識，就識得喊。細路仔嘅時候要要求買玩具、扭眼瞓，眼淚就係長勝將軍，但係當然亦都有戰敗嘅時候嘞。
      我出生於一個樸實不華嘅客家大族，自細家訓非常之嚴格，耳濡目染之下聼教聼話，物質嘅供給亦都好充裕，從來冇同家人閙意見，連反叛期亦都順利過度，所以回想青少年時期祇係無憂無慮健康快樂嘅時光。快樂嘅眼淚都有流過嘅，例如升中一嘅時候要同自己最愛嘅同學分開，喺中二嘅時候考得成績幾好畀爺爺誇獎之外，記憶中都係一啲陽光燦爛嘅日子。唔知係咪因為儲埋嘅Quota太多呢，長大咗之後就特別容易喊嘞，用喺談情說愛嘅眼淚又特別多。全心全意去愛一個人嘅時候，好難接受理想同現實嘅落差。愛人為咗工作忙碌冇喺自己身邊嘅寂寞時分，互相生活嘅唔協調嘞，誤解之後得唔到諒解嘞，閙交時候嘅大哭大閙，分手時切膚錐心嘅痛，當心想哭而冇眼淚嘅時候，呢一啲其實係唔係愛嘅代價呢？回看返當時嘅自己，變咗一個小器而計較嘅小女人，最拿手就係用眼淚嘅討價還價，連自己都覺得嘔心，連自己都唔中意自己，我知道當時嘅自己曲解咗咩係愛，我決定收起眼淚，繼續尋找愛嘅眞正意義。
      到而家，我大個女嘞，唔再輕易為自己嘅不順遂或者係失敗而落淚。因為我意識到眼前嘅一切都祇不過係過眼雲煙，冇咩大不了，越放得開就越得著更多，與其要別人大方，不如自己唔好咁小器嘞。好少再因為一啲唔開心嘅事，或者係自己嘅事而喊，反而會因為別人嘅不幸而落淚。世界依然存在嘅貧窮、仇恨、唔公平、唔公義，反觀自己有得食有得住，有健康嘅身體，有平安嘅心靈，實在唔需要矯情嘅眼淚去裝飾蒼白嘅生活。
      最近我喊過兩次。一次係我喺廚房煮飯嘅時候，回頭見到坐喺梳化倦極而睡嘅母親，我突然之間發覺佢老咗好多，一時感觸落淚喺廚房嗰度喊著上嚟。另外一次喺噖晚，喺“繼續瘋Show－梁繼璋”個Show裡面，我喺後臺嗰度見到Michael企喺布幕之後，睇住佢嘅仔仔表演唱《叮噹》。佢嘅太太隔住一塊嘅布幕喺前面嗰度好緊張手舞足蹈噉樣精神支持佢嘅仔仔演出。遠處我見到坐滿住支持Michael嘅人，我飛奔走入去化妝間，我唔想整花個妝之餘，我為你流咗一趟快樂嘅眼淚。