懷孕印記36---細細35週了 & 遲來的預備---第一撃

距離預產期仲有35天，日子過得很快呀!!細細已經35週了，佢日漸長大，我個肚肚就每一天都大一點點，唔知細細係唔係好吸收的呢?出世唔知會唔會好大份呢??而佢0既力氣都大左好多，成日都踢到我個肚肚變晒形，有時仲攪到我好痛tim，個衰豬豬，你出黎媽咪一定打你patpat仔呀!!

不過佢一摸下佢，佢就會唔郁，唔摸佢又郁番，幾攪鬼呀!!正一衰豬仔......

雖然就黎生，但我都未預備好晒細細0既野，唉........都無計啦!!0係下星期開始要加緊腳步，快d預備先得，今日老公有個朋友，就係千色店買左一個黃鴨仔套餐送俾細細，有床仔，奶煲奶樽，床上用品等等，不過要到29日先送黎，因為下星期有人黎屋企換浴缸同馬桶，同埋舖地板，19日又送新床黎，所以都好多野要攪，希望細細唔好咁快出黎啦!!

而我可以做d咩，就係網上我訂左尿片，係日本品牌黎0既，叫「大王」，因為佢夠大包，同埋聽d blog友講，都唔錯，無咁易漏尿尿同質量好d，本黎諗住用P記，但好多人都講佢又貴又唔好用，無彈性之餘又唔吸濕，而H記好過P記小小，但都唔算太吸濕，因為初生BB始終要好好保護，唔係有「尿布疹」就煩架啦....加上我又打算餵人奶，D大小二便一定會多好多，所以一定要選一D好小小俾細細用，所以我就嘗試用下呢隻，而佢真係好大包，初生用有96片，相比P記得36片，化算好多，而係網上買就$139一包，平均每片$1.5，而P記約45元一包，平均每片$1.3，但係片數唔多，一定要買多幾包，計起黎都貴左，除左訂左初生尿片外，我都有訂埋細碼，同埋「思詩樂」清潔棉及濕紙巾，夾埋$500，有得免費送貨，應該大概下星期送黎;

而今日又天氣好，我就拎晒細細D衫仔出黎洗，都幾多，不過我仲要買多兩件長袍仔同埋包被，仲有帽仔，其實仲有好多野都未買，一定要係下星期買，唔係就無時間!!!