細細日記15---唔駛做手術啊!!

今日，細細去左醫院兒科覆診; 主要係睇佢兩粒「波子」落左去未;

我一個人，抱住細細，又坐mtr，又坐小巴，

真係超辛苦，加上天氣好屎熱，唉.......我同細細都成身汗呀!!!

陰公，真係勁唔想去呀!!不過無計啦!!睇細細緊要啊!!!

點解我老公無同我去??因為要睇住兩個哥哥，係屋企囉!!

都無可能要佢地跟埋黎，係醫院度悶0既，

我就辛苦d囉，不過總算平安到步!!

今日檢查前都有磅重，嘩......呢隻衰豬又重左好多呀!!

有成5.435kg呀!!月頭4.47kg，依家成十幾磅重，抱屎人呀!!

都係要買番條揹帶先得啊!!!

而檢查結果係，細細唔駛做手術，兩粒「波子」都差唔多落左，

真係太好了!!之前仲擔心細細要捱一刀，好在姐!!!

而係8月6日細細又要番醫院，再做聽力檢查，真煩呀!!!

其實佢聽到啦，但都無計，去埋佢囉!!!應該無事的!!!

到時仲要大半日係醫院中，又係得我一個人去，好慘啊!!

真係唔鍾意成日去醫院呀!!

(明天再UPLOAD細細0既傻豬樣，勁攪笑架!!)