細細日記4---兩星期大了....

不經不覺，細細已經兩個星期大了，回想起剛剛生他的時候，

都好似尋日發生無耐咁，而我0既身體都好左好多，

無之前個星期咁「死」，個人精神了不少，

但臉色仍是很倉白，都幾驚嚇人，而惡露的的量同顏色都小左同淺色，

好似普通M COME的模樣，即係表示我的子宮收縮得不錯，

無異樣，而細細每天都係食完就訓，不過佢日間都有D時間係醒著，

(食飽飽仲識扭人抱抱，人仔細細都識咁樣，真攪笑)

等待下一餐的黎臨，佢食奶的次數都無初初咁密了，

而食完人奶後，都要補奶俾佢，相距大概四個鐘就食第二餐，

所以我都多左時間休息同埋做到自己野!

但可能補奶粉用奶樽的關係，佢食人奶時都不肯張大個咀，

攪到我「NIPPLE」損晒，有時仲會出血，勁痛呀!!

不過好多時我都忍痛俾佢啜，有時佢啜到我痛到喊，

個刻真係勁嬲，因為細細會越啜越細咀，有時仲會扯住個NIPPLE，

攪到我超級勁痛呀，逼佢張大個咀先啜，佢又發晒脾氣，

攪到我有時都會鬧佢，嬲得滯唔俾佢繼續啜，等我D心情平復先

因為我發覺媽咪的心情都好影響D乳汁流量的，

我又唔係無奶水，每次餵之前都會自己「嘖奶」的，

即係夠奶啦，只係細細唔識得啜，由出世到依家都係唔願張大佢個咀，

喊0既時候就好大，當啜的時候就細，激屎人呀!!!

每次食完人奶，都要補奶俾佢，都嘗試過唔補，要佢啜耐D，

佢都係會喊，又要食奶奶，我諗佢習慣左食完人奶再飲奶粉的模式了!!

希望我自己可以堅持下去吧!!都兩星期了，唔好放棄呀!!!

浚浚，你要同媽咪加油呀!!唔好啜到媽咪痛痛呀!!