彩雲之南雲南遊-麗江(Day2)

10/Sep/2009

D2: 拍婚照 (BY視覺麗江)

YOHOHO~! 今次係第二輯婚照, 風格有別於第一輯的, 景色亦比較特別啊~

我7點就要起身了, 因為要化靚靚樣嘛~ 未婚夫就繼續做豬仔...

換埋衫, 10點幾啦, 出發去拍一天既婚紗相啦~ 我地揀左 "束河古鎮 + 拉市海" 為拍攝地點, 皆因束河比麗江古城少人, 拍攝原素又多d~ 拉市海我一睇d samples就好鍾意, 又有得騎馬 (RMB40/2人)~

整體黎講, 我地對於呢輯相既滿意度都ok既~ 我最愛就係騎馬相, 未婚夫亦好鍾意我既婚紗look~ 

黎張花絮先:

wakaka!!! 成張靈異照片咁, 個look仲好似大鬧廣昌隆隻女鬼... 問你死未!!

因為時間緊迫, 束河我地掛住影婚紗相, 自己就咩都無影到... 咁不如睇少少拉市海既景啦~

拉市海上面有好多一支支棟起晒既長草, 又有得騎馬仔, 周圍既環境都好適合拍婚照架, 我地去到已經有幾pair人影緊lu~

以下既長舟亦係拍攝原素之一

好開心呀! 又一次去旅行遇見彩虹!

由7點幾開始... 搞到六七點, 好鬼攰呀! 喉嚨勁痛影響晒心情, 拉市海又無瓦遮頭, 曬到我死!!! 眼又咪晒, 咀又嘟晒... 頂唔順自己叫停... 拍夠了! 今日真係辛苦到爆. 不過好佩服班工作人員啊, cam man好pro, 瞓晒身咁幫我地影, 打燈哥哥又落力, 化妝姐姐全程跟到實, 因為真係好鬼曬, 熱到妝都溶, 佢好細心咁不停幫我補妝呢! ^^

返到客棧都差唔多8點了, 拿拿聲拆頭, 落妝同洗白白!

玩左成日, 真係攰到抽晒筋. 晚餐我地去左客棧附近既"麗江罐罐"解決. 點解叫罐罐? 因為佢地主打sell一罐罐既湯~ 湯就係收埋喺呢幾頂帽下面喇, 但因為夜啦(9點幾), 淨返唔係好多選擇, 我揀左鯽魚煲豆腐湯, 都幾足料, 湯味都幾清~

納西烤肉蒸豆腐 RMB6 好味, 抵抵! 鮮炒奶漿菌 RMB15 好濃既味道, 真係奶奶地架, 不過份量少~

炒通心菜(即係我地食開既通菜) RMB6, 超新鮮, 好鬼好味架! 韮菜炒蛋RMB8, 好香口呀! 正!

END OF DAY 2

>>DAY 1: 彩雲之南雲南遊-麗江