要走的終於要走

今日係早前二佬提及將會離職的某同事的最後工作天﹐小四與該位同事關係尚算不錯﹐臨收工時坐在周遭的同事都有點依依不捨﹐畢竟她在此工作亦有兩年的時間。

據小四了解﹐旁邊的同事都是近這一兩個星期才得悉有關同事將會離職﹐礙於人事問題屬敏感資料﹐雖然二佬在上次閉門面談期間隱晦地告知小四該位同事不獲續約(小四係後來才聽得明當中意思)﹐沒有特別吩咐小四不能透露有關資料﹐小四還是沒有將此事張揚開去﹐免生事端。

小四趁人沒有那麼多的時候﹐走上前詢問有關同事找了新工沒有及離職後的計劃等等。該名同事過了今天後﹐會開始休假﹐直至本月底正式離職為止。該名同事又謂現在出面時勢艱難﹐尚未找到新工。小四安慰道現在市道好轉﹐找份新工理應比以前較容易。一輪客套說話後﹐小四逕自回到崗位去。

交待完有關細節後﹐黑人亦走出房﹐聯同老怪物及另一位同事送別該位同事。二佬在哪兒? 咪一直係房做野囉﹐真係頂他吾順。就算個同事吾係直屬於你管理﹐你係工作上沒有太多接觸﹐人地好歹都係度做了兩年啊﹐作為有關部門的第二老闆﹐係咪都應該走出房黎做下樣呢?但現實係他自顧自叫小四幫他張羅資料﹐自己繼續埋頭做野囉。係咪真係錦多野做呢可?!這位同事很識做人﹐見二佬係房內﹐臨走前都敲他房門說聲再見。小四看在眼裡﹐有朝一日小四要離開時﹐會晤會都受到同樣對待?真係天曉得。

無論如何﹐在此祝願有關同事找到份好工啦!