發展監察
又到左18個月既發展監察啦....
今日同DADDYMAMIBB一齊去呀!
3:30去到等左一陣就去一號房磅重, 一入到去bb見到姑娘套白色制服已經驚左狂喊!!!! （自從上次係威院後見到d白色３既姑娘就係咁）姑娘唯有行開等bb無咁驚先！ bb喊到係磅唔到lor...唯有抱埋佢一齊磅再相減mami個磅數la.... 同佢講下講下玩下咁, 佢又願上磅wor!!!
11.30 KGS! 可能著埋件外套仔重的的.....我諗佢都係11KGS左右....
姑娘話唔洗度高喎！(想度下都唔得添)
之後足足等左好奈好奈好奈！由好多人迫爆到有位坐
終於到我地啦！！ 13號房wor
一入到去bb又想喊想喊好驚咁, 咪又係見到姑娘驚驚lor, 好彩唔洗十秒見到個洋娃娃就收晒聲lu
真人示範 ：
姑娘將一個洋娃娃＋膠匙放左枱面叫BB餵娃娃食嘢, BB剛好手上拎住杯m記雪糕杯佢就用隻匙「不」d比bb食..... 咁當然無問題啦！
跟住姑娘又拎左三粒積木仔出黎, 佢就一边寫report一边望, 都未講嘢bb已經叠高左果三粒積木！ good！
（玩依家嘢佢ok架！ hahaaa）
跟住姑娘就叫daddy可以帶bb出去先, mami留底就可以！bb繼續拎住姑娘既積木玩緊
mami匯報：
姑娘：bb依食飯食方面係幾餐奶，粥同食咩？
mami：３餐milk＋２餐粥/飯＋面飽＋零食＋生果＋湯 等等......
姑：都幾好, 可以同佢改為２餐milk, 朝早餐奶改食d麥皮, 面飽, 通心粉, 面吖.....
m：都有不過佢唔會食得多lor
姑：咁慢慢轉
姑：bb識唔識分眼耳口nose？
m：識分
姑：你點知佢識得分呢？
m：我問佢，佢會指比我睇lor
姑：咁仲識得分身體边部分呢？
m：手/腳/腳趾/頭髮/patpat同咕姑！
姑：哈~唔錯呀...
姑：平時边個同bb玩架？
m：daddymami GPGM
姑：都幾好！屋企有d咩類型既玩具呢？
m：um...... 波/車仔/可以坐既車仔/公仔/積木/琴/book/認字card....
姑：唔錯wor！
姑：bb依家可以講到幾多個有意思既字, 唔要跟大人口水尾講既, 係佢自已講出黎既！
m：（心諗）下.... 唔可以跟口水尾講架? 仲以為識講就ok添...... C諗!!! um...... 爸爸/班班（barney）
m：um..... 唔跟口水尾, 只係指住問佢依d咩黎架？但佢又答到算唔算！
姑：算吖！
m：咁都有.. 飽飽/花花/爺爺/踢踢/波波/奶奶/車車......
姑：都ok架啦....
m：咁都ok??
個發展監察就咁pass左！姑娘話下次再約係四歲啦, 到左三歲九個月先打黎book期啦, 順便book埋個四歲做既「視力測試」！
都唔明點解隔咁奈先監察一次！
p.S. 其實個姑娘講嘢好似機械式咁講嘢!!!
叉燒...餐包... 2008-10-06 00:00
patpat同咕姑！<--- haha
我都想度高, 但佢地唔比
你唔想等敢耐既話, 可以request早上9am, 好快ok走得嫁~
晞媽 2008-10-05 01:25