搵左笨呀!!

2010年2月6日  星期六

今日返學之前，我睇報紙見到呢個自制NIKE鞋，
所以我又玩玩玩～～～但估唔到，咁既色，太陽都話ＯＫ喎！
但要成千蚊呢～～我唔會捨得買架！！

咁放左學，太陽又未放工，
所以我就先去紅磡，拎左野，再走左過火車站隔果個商場行下！！
買左朱古力比太陽吃～～～

又買山楂條～～～自己就買檸汁薑！！

兜左個圈就走人啦～～走果時，仲見到紅館有FANS呢～～
不過我八唔到係邊個明星喎！！！
（講開紅館，太陽尋日同我講：＂EASON四月四號約左你!")
(YEAH~~~生日有演唱會睇呀！！）

之後～～我就落左去下面買呢個北角雞蛋仔呢！！
我買２底，叫佢比個袋我，果個人千丁萬嚀要凍左先好放入袋！
因為怕Ｄ倒汗水整淋晒呀～～～

買晒野，去大圍等太陽，
跟住齊齊去沙田食野～～今晚決定食意粉360！！

太陽係公司偷左個梨比我呀，
紅色既梨，我真係第一次見呀！！！

見唔見到太陽拎住Ｄ乜！？
就係我好急既情況下決定買既套票囉！！
新年假，到到都爆晒呀～～所以見祈福有位，我就即刻BOOK啦！！
因為大陸可以比太陽放煙花呀～～如果我地搵到地方買既話～～

野食黎到啦～～～我地今日試餐～～～
沙律～～～好細呢～～～味道一般啦！！

合桃忌廉湯
都係加多左Ｄ合桃，無乜特別！！

用左上次果張優惠卷～～呢個一口豬肉～～
唔使錢！！

跟餐既一口饅魚！！
好腥呀～～連太陽都覺得腥呀！！

又係太陽想食既鹽燒雞翼呀，
但佢話今日果Ｄ麻麻地～～～

蕃茄乾醬意粉～～
都幾好味喎～～又酸酸地～～～

大家估下呢個係乜！？

其實係泡菜年糕呢～～～

呢Ｄ都係去返韓國餐廳食好過～～～

最後餐飲！！

太陽既柚子軟乜冰，好苦呢～～我唔鍾意！！

我呢杯個名好好架，
叫乜鬼富士蘋果乜乜乜！！

好難飲架～～呢Ｄ粒粒好搞笑架！！
咬穿佢，會爆漿架～～入面酸酸地架～～～

食飽飽，就行街，到到都買新年野食啦！！
但係太陽偏偏買左呢包黎食～～好硬架～～～
但佢又好鍾意食喎！！

最後，仲去大班拎埋我個糕！！
係榴槤糕～～～

但係～～～今年笨左呀～～～
我地買果時，仲諗住係上年果個榴槤奶凍糕！！
原來大班今年無出凍糕啦！！
依家呢個係～～～要煎ＯＲ叮架！！！
嘩～～～搵晒笨呀～～搞到太陽即刻唔開心呀！！！