網誌分類：吉吉的教會 |
圖片
網誌日期：2009-11-23 09:31
2009年11月21日 星期六
阿B其實係16號生日既，不過我地就要今日先同佢補食蛋糕！
MIMI都搞笑喎，居然買左個火車頭蛋糕比佢，
感覺真係好似Ｄ小朋友開生日會食果Ｄ蛋糕咁！！
阿B影親相，隻色都係咁鬼細！
（其實阿Ｂ今日好間條架，外套係間條，入面果件都係間條架！）
切蛋糕啦！
依～阿Ｂ前面多左盒野喎！！
其實係MIMI買返黎既朱古力薯片呀！！
（我今日專登用個橙魚袋仔架！）
乜都未食，就梗係要影下相啦！！
（有無留意到我掙到對眼好大呀！）
如果我唔特登掙到咁大，
我對眼其實係好腫架呢．．．．．．
開啦開啦！開左包朱古力薯片啦！！
真係多謝MIMI比個機會我試呢D野呀，
因為個薯片．．．又咸又甜咁．．．真係特別得黎又古怪呀！！
大合照！
有機會真係要問下林伯，佢隻手到底想點呀！？
其實食完蛋糕，寫埋咭，我地就走人囉！！
佢地去食飯，我就回家去！
因為放左學返屋企果時，已經食左野囉！！
