東方百慕達

由我第一年入到呢間東方老人院, 我已經成日想轉工, 想下想下想左週嚟五年都走唔到。每個月要受我個人狼阿姐變怪獸, 仲要見住嗰pat Bird Shit真係好嘔心....

今年已經好積極咁搵工, 但見襯份份都唔係路咁...最吹脹係星期一, 人狼阿姐又變身, 激到我"慶慶"地, 上左JobsDB 見有份工幾啱咪send CV. 下午個agent即刻call約第二日見面。初初幾鬼開心....但到第二日, 唔知點解個心總係蘿蘿攣咁, 有種不祥預感...但心諗見agent啫, 駛乜驚.

上到去agent的公司, 同reception講話見黃小姐....個女仔問我係咪Pxxky呀? 呢個名....Pxxky Wong??? 頂!!!咪係我公司好乞我憎嗰個Gxxy Yxp個老死?? 唔係呀化...

佢一見到我, 懶噩然咁...挑...你冇睇過我CV先call我架咩...大大隻字寫左我而家o係東方老人院做架啦...扮晒蟹....即刻話大家當冇見過, keep confidential....我肯定你一早通晒水俾個孽種知啦!!!

攪到成個人都down晒...想轉工啫...駛唔駛咁玩我呀???我究竟做錯左d乜???