雨過天清

自昨天下午傳出一封長達三頁的投訴信後，今天下午終於收到回應了，那位Managing Director親自來電道歉，並留下他的手提電話，囑我如有什麼問題，可以直接聯絡他。另外，他會吩咐一位負責我這個Case的同事聯絡我，她一定會好好處理妥當。而那位女士都好好聲氣，叫我給她一點時間去調查一下，我當然ＯＫ啦，還答應我在這期間他的同事會盡力替我跟進機票upgrade的事。

好啦！那個Sales來電報告好消息，就是去程已Upgrade到，那回程仍要等，我也很高興，終於可以對老闆有個交代了！後來那個Sales再來電，因為她剛知道我向她們的大老闆投訴。我說我是投訴您同事，因為以她的服務，實在不能接受，也很想她公司在這方面能作出改善，這時那個Sales才改口，承認她同事的態度實在有問題，（當初又死同我拗話佢同事沒有做錯！或者佢知道如果佢再唔醒醒定定，我連佢都投訴埋）。

我告訴她：您其實都要明白我的立場，我這樣實在沒法向我老闆解釋，所以如果我唔追緊佢地，到我老闆發脾氣時，我點算呀？同埋我都係為您地好，一個咁態度的同事，您們一直替她補鑊也不是辦法呢！總要令她改善嘛！為她一個影響整公司的聲譽，實在很不值呢！

她說：現在她的同事其實要接受公司的問話，其實之前她的上司也很正視這個問題。

我心想：您早唔講？您又死話她沒有錯？您唔頂撞我，我未必會投訴呢！

其實顧客要的是服務，當您提供唔到，就已經有好大問題，加上您跟個客撐到行，遇著我呢個投訴達人，被我投訴是意料中事呢！老實說，接到Managing Director 親自來電道歉，點都俾面佢啦！同時感到對方很重視客戶的投訴，還好，這公司還未到無藥可救呢！

至於呢個Sales，其實她的態度都有問題，但我心諗：呢個唔教精佢喇，留返俾第二個人教啦！

今晚終於可以睡得安樂了！！